Mig er farið að gruna að barnið geri sér leik að því að halda í sér þangað til við skiptum um bleyju, því um leið og bleyjan er farin og áður en ný er komin notar stelpan tækifærið og sprænar út um allan bleyjubekkinn. Ég veit þetta gæti verið verra.
Í dag er enn sól og blíða og við þrjú fórum út að borða í hádeginu með Ríku. Hér í nágrenninu er ítalskur veitingastaður sem hefur borð og bekki utandyra. Um leið og maturinn kom á borðið upphófst mikill einsöngur í barnavagninum, öðrum gestum til ánægju og yndisauka. Það er enn spurning með snuðið …
