Afsakið hlé

Nú hefur orðið nokkuð hlé á bloggfærslum vegna vinnuskrepps til Manchester. Mér fannst Dís hafa stækkað og þroskast heilmikið á þessum fáu dögum sem ég var í burtu. Hún er meira vakandi og lítur meira í kringum sig. Dís fór í U3 (þriðju ungbarnaskoðun) á miðvikudaginn. Hún er orðin 54 sentímetrar og hefur þyngst vel. Allt er í besta lagi. Hún er með nokkuð miklar ungbarnabólur, en það er víst eðlilegt og á að lagast á næstu vikum. Nú erum við að velta fyrir okkur hvað við gerum í bólusetningum (alls óskylt ungbarnabólum), en meira um það síðar.