Dís tekur á móti pabba sínum

Þá er ég kominn aftur frá Rovaniemi í Finnlandi, heimabæ jólasveinsins og Lordi. Dís leit á mig gagnrýnum augum þegar ég birtist í stofunni, en brosti svo út að eyrum. Það er ótrúlegt hvað hún hefur stækkað á fimm dögum. Sandra lá í rúminu með flensu, háan hita og hálsbólgu. Hún er núna að verða hitalaus, en er slöpp. Mamma hennar var hjá okkur í gær og er komin aftur í dag. Dís er hæstánægð með að vera í fanginu hjá ömmu sinni.