Sandra fór með Dís í heimsókn í leikskólann í gær. Dís leist vel á og lék á als oddi, við höfum engar áhyggjur af því að henni líki ekki að vera þar. Krakkarnir, sem eru 1-3 ára, tóku á móti Dís með miklum fagnaðarlátum og hrópuðu: “Vei, nýtt barn! Nýtt barn!”
Í dag er Dís frekar pirruð. Hún er dálítið kvefuð og svaf lengi um miðjan daginn. Hún æðir um allt og virðist ekki vanta kraftinn, en fer að væla um leið og eitthvað er ekki eins og hún vill hafa það.
